2019-11-26
Azərbaycan-Fransa əməkdaşlığının inkişaf perspektivlərinə dair fikir mübadiləsi aparılıb

Azərbaycanın Xarici İşlər naziri Elmar Məmmədyarov Fransanın ölkəmizdəki yeni təyin olunmuş səfiri Zakari Qros ilə görüşüb.

Nazirliyin mətbuat xidmətindən AZƏRTAC-a bildiriblər ki, nazir Elmar Məmmədyarov səfiri yeni təyinatı münasibətilə təbrik edərək, onun iki ölkə arasında əlaqələrin daha da inkişafına töhfə verəcəyinə ümid etdiyini bildirib.

Görüşdə tərəflər Azərbaycan və Fransa arasında siyasi, iqtisadi, elm-təhsil, enerji və digər sahələrdə əməkdaşlığın inkişaf perspektivləri ətrafında fikir mübadiləsi aparıblar.

Səfir Zakari Qros diplomatik fəaliyyəti dövründə ölkələrimiz arasında əlaqələrin daha da möhkəmlənməsi səylərini əsirgəməyəcəyini bildirib.

Nazir Elmar Məmmədyarov səfir Zakari Qrosa diplomatik fəaliyyətində uğurlar arzu edib.

https://azertag.az/xeber/Azerbaycan_Fransa_emekdasliginin_inkisaf_perspektivlerine_dair_fikir_mubadilesi_aparilib-1359640

növbəti xəbər əvvəlki xəbər