2018-04-09
Nazir: “Azərbaycan Qoşulmama Hərəkatına sədrliyi dövründə daimi məsləhətləşmələr aparacaq”
“Azərbaycan sədr kimi Hərəkat çərçivəsində əməkdaşlığı dəstəkləməyə davam edəcək. Bu, BMT-nin prinsipləri çərçivəsində olacaq”.
APA-nın xəbərinə görə, bu sözləri Azərbaycanın xarici işlər naziri Elmar Məmmədyarov Qoşulmama Hərəkatının aralıq nazirlər konfransının bağlanış mərasimində çıxışında deyib.
Nazir bildirib ki, Azərbaycan quruma sədrlik edəcəyi müddətdə daimi siyasi məsləhətləşmələr aparmaq niyyətindədir: “Bu isə dünyada sülhə töhfə verəcək”.
