Erməni hərbçilərinin müharibə cinayətləri: düşmən dinc sakinləri hədəf alır - AZƏRTAC cəbhədən xəbər verir
Tərtər, 30 sentyabr, Tahir Ağaməmmədov, AZƏRTAC
Erməni silahlı qüvvələri əhalinin kompakt olduğu məntəqələri - rayon və kənd mərkəzlərini, mülki infrastruktur obyektlərini – yaşayış evlərini, xəstəxanaları, tibb məntəqələrini, məktəb binalarını, uşaq bağçalarını, dövlət qurumlarının inzibati binalarını, təsərrüfat təyinatlı əraziləri ağır artilleriya qurğularından intensiv atəşə tutmaqda davam edir.
AZƏRTAC-ın bölgə müxbiri xəbər verir ki, Ermənistan hərbi birləşmələrinin növbəti dəfə ağır artilleriyadan Tərtər şəhərini intensiv atəşə tutması nəticəsində sentyabrın 30-da saat 8 radələrində dövlət qurumlarının inzibati binalarının yaxınlığına top mərmisinin düşməsi nəticəsində 7 nəfər mülki şəxs müxtəlif dərəcəli bədən xəsarətləri alaraq xəstəxanalara yerləşdirilib, o cümlədən mülki infrastruktur obyektlərə külli miqdarda ziyan vurulub.
AZƏRTAC-ın fotoqrafı Roman İsmayılovun Tərtər şəhərindən çəkdiyi fotoları təqdim edirik.
